Policia e Krujës ka asgjesuar 6200 rrënjë kanabis sattiva të cilat ishin mbjellë në 16 parcela.
Specialistët për Krimet në Komisariatin e Policisë Krujë, në vijim të punës së pandërprerë dhe zbatimit të plan-operacioneve për goditjen dhe parandalimin e kultivimit të bimëve narkotike, kanë finalizuar me sukses operacionin “Shkreta-1”.
Gjatë kontrollit të ushtruar në fshatin Shkretë, Krujë, në një zonë të pyllëzuar u gjetën dhe u asgjësuan me anë të djegies16 parcela me rreth 6 200 bimë narkotike të dyshuara të llojit Cannabis Sattiva“, informon policia.
Po punohet për identifikimin dhe kapjen e autorëve.
Materialet I kaluan Prokurorisë së Rrethit Gjyqësor Krujë për veprime të mëtejshme për veprën penale”Kultivimi i bimëve narkotike”parashikuar në nenin 284 të Kodit Penal./a.m.
