Policia e Krujës ka finalizuar në ditët e fundit një operacion kundër kultivimit të lëndëve narkotike.
Uniformat blu kanë gjetur dhe asgjesuar rreth 5.255 rrënjë kanabis sativa, 1.115 prej të cilave ishin të mbjella në kubik.
Në kuadër të operacionit të koduar “Larushk 2015”, autoritetet policore kanë vënë në pranga shtetasin Isuf Tema, për posedimin e rrënjëve narkotike, si dhe kanë shpallur në kërkim dy persona të tjerë, të identifikuar me inicialet A.T dhe Y.T, të moshave 26 dhe 32 vjeç.
Në banesën e shtetasit Isuf Tema janë gjetur dhe sekuestruar në cilësinë e provës materiale edhe dy armë zjarri, konkretisht një automatik model “56” i kalibrit 7.62 mm dhe një pistoletë.
Materialet i kaluan prokurorisë për veprime të mëtejshme.
