18 parcela me 4 mijë e 200 bimë narkotike kanabisi u zbuluan nga policia në fshatin Kumardh të Krujës.
Bimët u gjetën në një zonë të pyllëzuar dhe u asgjësuan përmes djegies.
Gjithashtu po në këtë vend u gjetën edhe 11 kg Cannabis Sattiva e kultivuar dhe përgatitur për treg.
Policia e Durrësit thotë përmes një njoftimi zyrtar se është duke punuar për identifikimin dhe kapjen e autorëve.
