Në Krujë policia vijon aksionet kundër kultivimit të kanabisit, të cilat janë kurorëzuar me asgjësimin e sasive të konsiderueshme të bimëve narkotike.
Kështu, në një operacion në orët e pasdites së sotme është zbuluar një parcelë me mbi 2.600 rrënjë, të cilat janë asgjësuar përmes zjarrit.
Operacioni, është realizuar nga agjentët e policisë dhe ata të Forcave të Ndërhyrjes së Shpejtë.
Bimët e kultivuara janë gjetur në fshatin Ranxë të komunës Cudhi.
