Policia e Krujës në vijim të operacioneve të njëpasnjëshme anti-kanabis, më datë 03.10.2015 ka finalizuar me sukses një tjetër operacion të koduar ”Kroji Madh”, ku kanë bërë të mundur arrestimin në flagrancë të shtetasit Mustafa Kani 49 vjeç, banues në Krujë.
Arrestimi i tij u bë pasi nga kontrolli i ushtruar në banesën e tij, në fshatin Kroj i Madh i’u gjetën dhe i’u sekuestruan në cilësinë e provës materiale një sasi prej 2 kg lëndë narkotike e llojit kanabis sativa, si dhe një peshore elektronike me mbishkrimin OAHONGYING.
Gjithashtu, në kuadër të këtij plan-operacioni, gjatë kontrollit të ushtruar në pyllin e fshatit Bruz-Zallë, Krujë u gjetën dhe u sekuestruan në cilësinë e provave materiale dy parcela të mbjella me rreth 180 bimë narkotike e dyshuar e llojit kanabis sativa si dhe një armë zjarri automotik, model 56.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Prodhimi dhe mbajtja pa leje e armëve luftarake dhe e municionit”, “Prodhimi dhe shitja e narkotikëve” dhe “Kultivimi i bimëve narkotike”.
