Qeveria kroate ka ulur çmimet e një liste prej 70 produktesh bazë. Artikujt e përfshirë përmbajnë produkte të tilla si bukë, polenta, tërshërë, makarona, mish, produkte qumështi, fruta, perime dhe gjëra të domosdoshme shtëpiake.
Vendimi vjen pas bojkotit të bërë nga konsumatorët në shenjë proteste ndaj çmimeve në rritje.
Thirrja për bojkot u shpërnda nëpër rrjetet sociale përmes së cilës iu bë thirrje kroatëve që të “mos blejnë asgjë”.
Në shënjestër të bojkotimit ishin disa zinxhirë të mëdhenj tregtarë, për shkak të dyshimeve se çmimet e tyre nuk përputhen me ato në vendet e tjera të BE-së.
Qeveria ka vendosur gjithashtu norma të diferencuara të TVSH-së për këto produkte për të ulur më tej kostot.
Bojkoti u mbështet nga shoqatat, sindikatat dhe partitë politike për të drejtat e konsumatorëve.
Grupet e konsumatorëve janë ankuar vazhdimisht se në Kroaci çmimet janë rritur vazhdimisht që kur shteti miratoi euron si monedhë të saj në janar të vitit 2023.
Bojkoti që filloi në Kroaci duket se po merr ritmin në vendet e tjera të Ballkanit që përballen me rritje të ngjashme të çmimeve.
Duke përmendur shembullin kroat, thirrjet në Maqedoninë e Veriut po rriten në mediat sociale për një bojkot të plotë të supermarketeve.
Edhe tek ne,eshte e domosdoshme te bojkotohen,matrapazet qe cfrytzojne pa aftesine tone si popull,duke heshtur para cdo te keqje.Cmimet jane ne stratosfere,duke parae rrogat e pensionet tona qesharake,ti bojkotojme edhe ne.