Kroacia mban këtë të diel zgjedhjet presidenciale, në një kohë kur vendi po përballet me inflacionin e lartë dhe korrupsionin.
Në garë janë presidenti aktual Zoran Millanoviç dhe Dragan Primorac, i cili mbështetet nga partia konservatore HDZ, që aktualisht qeverisë Kroacinë. Presidenti në detyrë aktualisht prin në sondazhe.
Sipas një sondazhi të publikuar, Millanoviç ka mbështetjen e 37 për qind të elektoratit, ndërkaq Primorac ka mbështetjen e 20 për qind të votuesve.
Megjithatë, asnjë nga kandidatët nuk pritet të fitojë më shumë se 50 për qind të votave dhe presidenti i ri pritet të zgjidhet në rundin e balotazhit, që do të mbahet pas dy javësh.presidenti kroat është komandant i forcave të armatosura dhe ka fjalë sa u përket vendimeve për politikën e jashtme.
Ky post cilësohet kyç për balancën e pushtetit politik në shtetin që kryesisht është udhëhequr nga konservatorët që prej pavarësisë më 1991.
Millanoviq, 58 vjeç, politikan i krahut të majtë në të kaluarën ka qenë edhe kryeministër dhe është një nga figurat kryesore politike të shtetit për pothuajse dy dekada.
Qëndrimet e tij kanë qenë kontstradiktore, pasi shpesh ka sulmuar kundërshtarët politikë dhe zyrtarët e Bashkit Eurppian me një gjuhë fyese dhe populiste.
Millanoviç ka dënuar pushtimin rus të Ukrainës, por ka kritikuar ndihmën perëndimore ushtarake për Kievin.
Megjithatë, Millanoviq ka arsyetuar qëndrimet e tij, duke thënë se dëshiron që ta mbrojë Kroacinë nga “futja në luftë”.
Rivali i tij politik, Primorac, 59 vjeç, ka bërë fushatë dhe e ka paraqitur veten si “unifikues” dhe person që promovon vlerat e familjes dhe patriotizmit.
Qendrat e votimit janë hapur në orën 07:00 dhe mbyllen në orën 19:00 dhe rezultatet zyrtare pritet të bëhen publike në orët e vona të së dielës.
