Ministrja për Europën dhe Punët e Jashtme Olta Xhaçka, është shprehur në lidhje me takimin virtual të mbajtur me Unionin e Mesdheut mbi krizën ushqimore.
Me anë të një postimi në Twitter, Xhaçka ka falënderuar ministrin italian të Punëve të Jashtme, Luigi di Maio, për adresimin e tij në lidhje me këtë çështje të cilën e ka konsideruar thelbësore.
Ministrja Xhaçka ka theksuar se bota duhet të mblidhet për të trajtuar këtë krizë të përshkallëzuar, duke ushtruar presion ndaj Moskës për të mos përdorur çështjen e ushqimit në shërbim të luftës dhe politikave të saj.
“Në dialogun ministror në unionin e Mesdheut mbi krizën ushqimore. Falenderoj ministrin e Jashtëm italian Luigi di Maio adresimin e kësaj çështjeje thelbësore.
Bota duhet të mblidhet së bashku për të trajtuar këtë krizë të përshkallëzuar që kërcënon të gjithë duke ushtruar presion Rusisë për të ndërprerë përpjekjet e tyre për të përdorur ushqimin në këtë formë’, ka shkruar ajo./m.j
Olta hajde na zgjidh hallet tona,boll bëre politike me lugën bosh për shqiptarët.Ne duam punë,bukë,ujë,drita.Turp.Keni 32 vjet që na i premtoni dhe mbetët në kuadrin e llafeve.Çfarë kërkonte shqiptari në shekuj? Pak bukë,pak ujë,pak dritë…Kemi mbetur të varfër materialisht, por ju politikanët na e keni mbushur shpirtin plotësisht.