Nga konferenca mbi të drejtat e emigrantëve nga vendet e luftës, Kryetari i Kuvendit ka deklaruar se Shqipëria është e gatshme të luajë rolin e saj në përballimin e emigrantëve sirianë, duke ardhur kështu në të njëjtën linjë me Kryeministrin Rama mbi këtë çështje.
“Shqipëria po bën dhe do të bëjë përpjekje për të lehtësuar këtë problem. Ne jemi të gatshëm të përballemi me fluksin e refugjatëve në bashkëpunim me partnerët ndërkombëtarë. Shqipëria, si vend anëtar i NATO-s dhe kandidat për në BE, ka detyrimin të tregojë solidaritet, brenda mundësive të saj, në përballjen me këtë krizë humanitare”, tha Meta.
