Pas takimit Rama-Meta ditën e sotme dhe me gjithë angazhimin e Presidentit të Republikës, Bujar Nishani duket se përpjekjet konkrete për dialog mes mazhorancës dhe opozitës kanë nisur.
Më në fund pas shumë thirrjeve për dialog, negociatorët e dy palëve PS dhe PD janë takuar pasditen e sotme për të gjetur një zgjidhje për krizën.
Taulant Balla ka takuar ditën e sotme Oerd Bylykbashin e PD-së. Mësohet se takimi ka patur në temë pikërisht dialogun për zgjidhjen e krizës politike, ku opozita vijon protestën në çadër dhe ka bojkotuar Kuvendin.
Burimet thonë se Bylykbashi i ka përcjellë Ballës kushtin tashmë të ditur të krijimit të qeverisë teknike. Balla dhe Bylykbashi janë takuar në fashehtësi për më shumë se një orë pasditen e sotme.
Burime bëjnë të ditur se takimi mes dy përfaqësuesve të PS dhe PD, të cilët janë caktuar si negociatorë nga liderët e tyre, ka përfunduar pa sukses.
c.a
