Sekretari i Përgjithshëm të OSBE-së, Thomas Greminger deklaroi se OSBE është gati prë të ofruar mbështetje për zgjidhjen e krizës por zgjidhja duhet vijë përmes dialogut gjithëpërfshirës dhe të brendshëm.
Greminger ndodhet në Tiranë në kuadër të një vizite zyrtare dhe në ambientet e Ministrisë për Evropën dhe Punët e Jashtme mbajti një konferencë e përbashkët me ministrin në detyrë Gent Cakaj.
“Ne pa diskutim që ndjekim nga afër zhvillimet politike në Shqipëri. Shpresojmë që ngërçi do të zgjidhet së shpejti. Besoj se zgjidhja do të gjendet brenda për brenda por ne inkurajojmë dialogun. Është e nevojshme që të gjithë aktorët të angazhohen për funksionimin e demokracisë në vend. Pjesëmarrja në institucionet demokratike është e vetmja rrugë zhvillimi. OSBE është e gatshme për të ofruar mbështetje por asnjë zgjidhje nuk mund të jetë e qëndrueshme nëse nuk përfshihen të gjithë aktorët”, deklaroi Greminger.
Sekretari i Përgjithshëm i OSBE-së, Thomas Greminger ndodhet në Tiranë për një vizitë zyrtarem, në kuadër të marrjes së kryesisë së OSBE-së nga Shqipëria në 2020.
Në një postim në Twitter Greminger thotë se një kryesim i suksesshëm i OSBE-së kërkon një Shqipëri të bashkuar.
g.kosovari
