Durimit të Zoran Zaev i ka ardhur fundi. Lideri i LSDM-së kërcënoi të mbajë një takim paralel të ligjvënësve në një vend tjetër e ta zgjedhë kësisoj kryetarin e Kuvendit nëse ngërçi nuk zhbllokohet menjëherë.
Kanë kaluar më shumë se 30 ditë, kujtoi kreu socialdemokrat, por nuk po ndodh asgjë. “Shumica parlamentare po ju lut, ama ju bëni veshin shurdh”, u tha ai deputetëve të VMRO-DPMNE, të cilëve u kërkoi sërish të mos shkelin nenet 89 dhe 90 e të mundësojnë zgjedhjen e kryeparlamentarit te ri.
Zaevi tha se ka mjaftueshëm vota për të zgjedhur Talat Xhaferrin, por votimi bllokohet nga VMRO-ja. LSDM-ja ka 49 vende ne parlament, por edhe me 10 deputetet e BDI-së mbetet sërish dy vota më pak nga sa do të nevojitej për ta caktuar vetë kryeparlamentarin.
Partia me e vogël Aleanca për Shqiptarët thotë se do ta mbështesë Xhaferrin, ndërsa Lëvizja Besa e kundërshton kandidaturën e tij, edhe pse e përkrah Zaevin për kryeministër me 5 votat e saj.
Disa analistë politike si Nikolla Dujoski janë të mendimit se partitë e koalicionit të ri parlamentar në Maqedoni duhet të shpërfillin VMRO-ne e Nikolla Gruevskit dhe ti votojnë vetë institucionet e reja, pasi në të kundërtën, rrezikojnë të humbasin mbështetjen e elektoratit.
c.a
