Kosova rrezikon të shkojë në zgjedhje të parakohshme pas krizës aktuale me mos zgjedhjet e kryeparlamentarit.
Kështu ka deklaruar për Report tv, profesori i së drejtës kushtetuese dhe ish-gjyqtar i Gjykatës Kushtetuese të Kosovës Kadri Kryeziu.
Kryeziu thotë se krijimi sa me shpejt i institucioneve është imediate pasi Kosoven e presin punë të jashtëzakonshme duke patur parasysh ndryshimin radikal të administratës Amerikane dhe sfidat që Kosova i ka për t’i zgjidhur si asosacioni i komunave serbe, futja ne KiE, NATO dhe OKB.
Sa i përket zhvillimit të seancës së katërt konstituive që do mbahet të hënën, profesori i të drejtes kushtetuese thotë se propozimi i Vetëvendosjes për kreun e Parlamentit është i papërshtatshëm.
Në vazhdimin e tretë të seancës konstituive të 19 prillit, deputetët e Kosoves dështuan që të zgjidhnin kreun e organit ligjvënës. Propozimi që Albulena Haxhiu të jetë kryetarja e re e Kuvendit të Kosovës, dështoi dy herë që të marrë 61 votat e nevojshme. Pas kësaj, kryesuesi i seancës, Avni Dehari, e ndërpreu seancën deri të hënën, në orën 15:00.
