Azmir Duleviç, ekspert për energjinë elektrike bëri një bilanc të vitit 2022, të cilin e cilësoi si një vit të vështirë energjetik, kjo për faktin e dinamikës së lëvizjes së çmimeve. Gjatë një interviste me gazetarin Andi Kapxhiu, në emisionin ‘Shtypi i Ditës’, në Report Tv, Duleviç u shpreh se nuk do të ketë aplikim për fashën 800 kilovat edhe për muajin janar.
“Ka pasur luhatje të çmimeve në bursë. E gjitha ka nisur pak para se të fillonte konflikti në Ukrainë. Tregu energjetik nuk është një treg shumë i qëndrueshëm është dinamik dhe ndryshon nga ora në orë. Gjatë natës çmimi është më i ulët dhe kjo ka ndikuar në mostabilitetin e sektorit energjetik. Çmimi i energjisë në bursë është më i ulët se në momentin kur u linçua fasha. Konsumi i energjisë elektrike është shumë i madh dhe shkon dyfshin e normales. Mos të kenë frikë dhe mos të kenë merak, sa i përket aplikimit të fashës prej 800 kilovat, sepse nuk ka një aplikim pranë ERE-s. Pra në momentin që nuk ka një aplikim të re, fasha nuk duhet diskutuar pasi nuk ka aplikim qoftë nga ERE apo OSHEE. Kjo është një situatë dinamike nuk i dihet në muajit në vazhdim sesi do të paraqitet situata. Për muajin dhjetor dhe muajin janar vendi ynë e plotëson 100% nevojën për energji elektrike nga prodhimi vendas, madje në disa periudha të caktuar në muajin nëntor dhe dhjetor KESH ka shitur energji elektrike. Në marrim një bilanc vjetor vendi ynë mbulon me prodhimin vendas vetëm 70%. Nëse e marrim me periudha të caktuara mujore, ne e mbulojmë vet prodhimin vetjak. Por gjatë verës ne kemi nevojë dhe energjia që blejmë është më tepër se 30%. 70% ne mundemi që ti mbulojmë vetë. ’- u shpreh Duleviç.
Eksperti iu përgjigj gjatë emisionit ‘Shtypi i ditës’, të cuilët e pyetën në lidhje me çmimin e blerjes së energjisë elektrike dhe shitjes së sja me çmim më të ulët. Sipas ekspertit faktor për këtë është se vendi ynë nuk ka bursë.
‘Vendi ynë nuk ka bursë. Bursa energjisë elektrike në vendin tonë nuk është funksionale. Ne kemi fatin e mirë që kemi prodhim hidro. Pa bursë nuk e shet dot më shtrenjte energjinë elektrike dhe shpresojmë të jetë funksionale në muajin mars.’- tha Duleviç.
/e.d
