Eksperti i Energjisë, Pajtim Bello tha në Report Tv se zgjidhja e krizës energjetike është shfrytëzimi i të gjitha burimeve që ka në dispozicion vendi ynë dhe pavarësia në prodhim, në mënyrë që të rrisë sigurinë kombëtare, sidomos në një periudhë kaq të vështirë për të gjithë botën.
Ai shtoi se arsyeja e krizës në vend janë veprimet e pamenduara dhe të pamatura të qeverisjeve që prej vitit ’90, duke renditur disa prej “dështimeve ndër vite.
Gjatë intervistës në “Sot Live në Shqipëri” me gazetarin Andi Kapxhiu, Bello theksoi se nëse HEC-i i Skavicës ndërtohet, duhet t’i jepet KESH.
“Prodhimi varet edhe nga situata hidrike, në një vit të thatë mund të importojmë më shumë se 50%. Çështja nuk janë probleme që mund të zgjidhjen për një viti, apo pas një viti. Kanë lidhje me konceptet e qeverisjes së vendit. Qeverisja e gabuara dëmtuar energjetikën dhe bujqësinë. Të mos prodhojë Shqipëria grurë me tokat që ka dhe të prodhojë Rusia që akoma nuk i ka shkrirë akulli? Kjo është një çudi e madhe! Kjo ngre pikëpyetje për mënyrën sesi është vepruar pas viteve ’90.
Në 2010 të gjitha termocentralet që kishim u nxorën jashtë funksionit dhe u shitën, kjo për të dëmtuar sistemin. Vërtet kishin teknologji të vjetër, pro mund të adaptoheshin. Ky është një portofol sigurie, nuk ndërtohet hoqe! Në 2012 hoqe 4 hidrocentrale të rëndësishme, qeveria i shiti për 110 milionë euro, nuk është çmimi i rëndësishëm, ideja është që shite portofolin e energjisë. Qeveritë nga ’90 e këtej kanë bërë lëvizje të gabuara sa i përket energjisë. Koncepti i strategjisë nuk ka funksionuar. Nëse HEC-i i Skavicës ndërtohet, duhet t’i jepet KESH.”, u shpreh ai.
Sipas ekspertit plani i kursimit të energjisë nuk është një shaka dhe se duhet çdo individ, biznes apo edhe institucion të angazhohet në këtë përpjekje kolektive të mposhtjes së krizës.
“Qeveria po bën një luftë të madhe të cilën mund të fitojë edhe për një vit, por nuk mund ta fitojë për shumë gjatë. Këtu bëhet fjalë edhe për 1 miliardë euro energji subvencion energjie. Kjo krizë nuk besoj se do mbarojë shpejt, te ne mund të zbutet, por do të zgjasë. Ne duhet të kursejmë, pra çdokush deri tek drita, duhet të fiket. Plani i kursimit nuk është shaka, është një edukim që duhet të futet tani dhe nuk duhet lënë më.”, u shpreh ai.
Në fund të fjalës së tij Bello tha se kjo krizë do të zgjasë, por edhe kur çmimet të bien nuk do të shkojnë më asnjëherë aty ku kanë qenë.
“Të zgjoj në mendjen e të gjithëve gjendjen e emergjencës. Në çdo qytetar, biznes apo edhe institucion. Duhet të gjithë të kursejnë energjinë. Këto edhe duhet të inspektohen. Duhet të vendosim më shumë panele, që të funksionojë vetëfurnizimi me energji. Burimet e mëdha duan kohë të ndërtohen, ndërsa 10 kilovat për një familje, mund t’i prodhoi dhe vet. Qeveria duhet të rikuperoi portofolin e sigurisë së vendit. Duhet të shtrohen burimet, kriza nuk do të përfundojë këtë vit. Çmimet mund të bien, por nuk do të kthehen aty ku ishin.”, tha Bello.
/b.h
