Kryeministri islamo-konservator turk, Ahmet Davutoglu i ofroi ndihmën e vendit të tij Greqisë, në prag të falimentimit duke u shprehur i gatshëm për të studiuar çdo propozim të bashkëpunimit me fqinjin e tij.
“Ne dëshirojmë që Greqia të jetë e fortë. Ne jemi të gatshëm ta ndihmojmë Greqinë të dalë nga kriza ekonomike duke bashkëpunuar në turizëm, energji, tregti”, deklaroi Davutoglu gjatë një fjalimi para deputetëve të partisë së tij.
“Ne do të kontaktojmë me Greqinë për organizimin e një takimi bashkëpunimi në nivel të lartë sa më shpejt të jetë e mundur, me qëllim për të studiuar masat e përbashkëta mbi krizën financiare që ka goditur Greqinë”, shtoi ai.
