Ligji për Reformën në Drejtësi, por sidomos mosvotimi nga PD i ligjit për vetting-un ka futur dukshëm në një qorrsokak politik Partinë Demokratike. Nga ana tjetër Reforma në Drejtësi ka zhytur në një krizë të thellë edhe marrdhëniet e kësaj force politike me SHBA dhe BE. Duket se ka një përpjekje nga disa miq të vjetër politik të PD-së për ta nxjerrë këtë forcë politike nga spiralja antiperëndimore ku ka hyrë, për shkak të rezistencës së saj për të mos votuar Reformën në Drejtësi, në etapat që vinë deri në kompletimin dhe fillimin nga zbatimi të këtij ligji.
Për këtë qëllim duket se ka mbërritur në Tiranë edhe Kongresmeni Eliot Engel, i cili nihet si një kongresmen afër PD. Ai gjatë paradites së sotme është duke zhvilluar një takim me kryetarin e PD-së, Lulzim Basha. Në këtë takim Engel shoqërohet edhe nga ambasadori amerikan në Tiranë, Donald Lu. Nuk bëhet e ditur tematika e këtij takimi. Por dukshëm PD është në një pozicion të vështirë në raport me SHBA. Ky është sfondi në të cilin zhvillohet takimi mes Bashës dhe kongresmenti Engell dhe ambasadorit Lu.
Pas takimit me Bashën, në orën 15:00 Eliot Engel do të zhvillojë edhe një takim me ish-kryeministrin Berisha. Eliot Engel ndodhet në Shqipëri, pasi sot do të marrë titullin ‘Qytetar Nderi’ i Lezhës. Kongresmeni i SHBA do të nderohet për rolin e luajtur në forcimin e miqësisë mes Shqipërisë me Shtetet e Bashkuara të Amerikës.
Njoftimi i Këshillit Bashkiak Lezhë
Bashkia Lezhë dhe Këshilli Bashkiak nderojnë dy personalitete të njohura për kontributin e mbrojtjes së çështjeve të shqiptarëve
1- Z. Eliot Engel , Qytetar Nderi i Lezhës
2- Z. Harry Bajraktari, Mirënjohje e Bashkisë Lezhë
Bashkia Lezhë, njofton se me datë 1 Shtator 2016, ora 12:00 në prani të Këshillit Bashkiak, Kryetarit të Bashkisë, deputetëve të qarkut ,të ftuarve dhe miqve, organizon brenda zonës Memorialit të heroit tonë Kombëtarë,Gjergj Kastrioti-Skënderbeu, një veprimtari nderuese të Kongresmenit Amerikan, Kryetar i Grupit të Miqësisë Shqipëri – Amerikë në Kongres, të nderuarin Z. Eliot Engel.
Zoti Eliot Engel, një mik i rrallë i shqiptarëve në tërë Ballkanin dhe më gjërë ka luajtur një rol të rëndësishëm në forcimin e miqësisë së vendit tonë me aleatin tonë më të madh strategjik, Shtetet e Bashkuara të Amerikës.
Ai, po ashtu,është i njohur për ndihmesën e dhënë në Kongresin dhe në Administratën Amerikane për çlirimin e Kosovës dhe më pas njohjen e Pavarësisë së saj nga SHBA. Kongresmeni Engël shoqërohet nga Z.Harry Bajraktari, një aktivist i njohur shqiptaro – amerikan i çështjes shqiptare për dekada të tëra. Veprimtarinë e nderon Ambasadori i Shteteve të Bashkuara të Amerikës, SHTZ. Donald Lu.
Këshilli Bashkiak i Lezhës me vendim Nr. 182 dhe 183 datë 29.08.2016 i ka nderuar këta dy personalitete me titujt:
Z. Eliot Engel – Qytetar Nderi i Lezhës
Z. Harry Bajraktari – Mirënjohje e Bashkise së Lezhës.
Ky vlerësim do të memorizohet në kujtesën historike të qytetit të Besëlidhjes!
Me. Ar
