Ish-kryeministri Sali Berisha ka akuzuar gjithashtu qeverinë se po shfrytëzon rritjen e çmimeve të naftës për të rritur të ardhurat nga taksat, pa ofruar lehtësime për qytetarët.
Duke sjellë si shembull Greqinë, ai tha se vendi fqinj ka miratuar një paketë prej 500 milionë eurosh për të përballuar pasojat e krizës së naftës, përfshirë edhe mbështetje për fëmijët dhe pensionistët me të ardhura të ulëta.
“Keqpërdorim ekstrem i parlamentit për të larguar tematikën nga interesat më jetike të qytetarëve shqiptarë. Këto kohë, qeveritë dhe parlamentet e Europës janë marrë me një seri masash, një breshëri masash për të lehtësuar gjendjen ekonomike, financiare të qytetarëve për shkak të rritjes së madhe të çmimit të naftës dhe çmimeve të tjera në mbarë Europën dhe botën. Se cila është pasoja e kësaj rritje mbi qytetarët shqiptarë, mjafton t’u rikujtojë se taksa kryesore që ata paguajnë nga i sapolinduri tek ai që është në ditën e fundit të jetës së tij, është TVSH-ja. Dhe nga TVSH-ja, narkoqeveria e Edi Ramës ka vjelur këto kohë 14 përqind më shumë se sa në muajin paraardhës. E tëra kjo quhet taksë konsumatori, taksë e paguar nga ato qenie të gjalla që konsumojnë.
Asnjë rikthim, asnjë lehtësim, në një kohë kur vetëm dje, kryeministri i Greqisë informoi se përcaktoi 500 milionë euro për të lehtësuar pasojat e krizës së naftës. Përcaktoi 150 euro për çdo fëmijë. Përcaktoi 150 euro për pensionistët ndën 300 euro. Këto nuk përfshijnë fermerët, që po e po e kanë të garantuar. Pra, Shqipëria përkundrazi merr dhjetëra milionë euro më shumë nga qytetarëët duke përfituar nga kriza dhe kjo kryekëput falë taksës ndëshkuese të Edi Ramës mbi naftën. Maqedonia dje e shiste naftën me 150 lekë, Shqipëria me 200 lekë në mbarë territorin. Pra, 50 lekë më shtrenjtë. Lehtësira të mëdha janë bërë për qiratë, janë dhënë bonuse në dorë për ushqimet. Në Shqipëri, Edi Rama mendon vetëm për veten dhe familjen e tij. Asnjë rikthim, asnjë lehtësi në një kohë kur vetëm dje, kryeministri i Greqisë informoi se përcaktoi 500 milionë euro vetëm për të lehtësuar krizën, pasojat e krizës së naftës. Përcaktoi 150 euro për çdo fëmijë, 150 euro për pensionistët nën 300 euro. Nuk përfshij fermerët që po e po e kanë të garantuar.”, tha Berisha.
