EKSPERTËT E SHËNDETIT MENDOR THONË SE TERMI “KRIZË E MOSHËS SË MESME”, NË FAKT, ËSHTË SHPESH E PAPËRSHTATSHME, SEPSE EDHE PSE KJO FAZË E JETËS MUND TË KARAKTERIZOHET NGA ÇRREGULLIME FIZIKE DHE PSIKOLOGJIKE, GJITHASHTU MUND TË JETË NJË PERIUDHË E RRITJES PERSONALE.
Në rastin e gruas kjo fazë pothuajse gjithmonë përkon me periudhën e menopauzës, padyshim një moment shumë delikat dhe jo gjithmonë i lehtë për t’u menaxhuar.
Të dy burrat dhe gratë kanë të njëjtën probabilitet të përjetonë një krizë me kalimin në moshë të mesme. I vetmi ndryshim qëndron në mënyrën sesi adresohet.
Simptomat
Nuk janë simptoma të zakonshme për të gjitha femrat dhe jo domosdoshmërisht identifikojnë krizën e moshës së mesme.
Më të zakonshme janë: rritja e pasigurisë , konfliktet me partnerët, fokusimi mbi gabimet e kryera në të kaluarën, mërzinë dhe mungesa e qëllimeve.
Pa dyshim, një nga shenjat më të dukshme të kësaj krize manifestohet nga nevoja për të qenë të rinj . Kjo ndjenjë mund të çojë në eksperienca të reja, të vishen si adoleshente, të frekuentojnë lokale apo disko.
Ky qëndrim i ri ndaj jetës mund të kthehet në një fillim të mrekullueshëm, një motivim i fortë që na merr larg nga rutina, por gjithashtu mund të shkaktojë një nostalgji të madhe që bllokon dhe na inkurajon për të jetuar një lloj të letargjisë mendore dhe emocionale, duke na bërë të harrojmë se në fakt, ka ende shumë gjëra që ju mund të bëni.
Kohëzgjatja
Për kohëzgjatjen e tranzicionit të moshës së mesme, nuk ka një kohë të para-përcaktuar. Për disa, kjo periudhë mund të zgjasë disa muaj, madje edhe vite për të tjerët. E gjitha varet jo vetëm në karakterin e secilit individ, por edhe të kaluarën e tij, statusin social, atmosferën familjare dhe mbështetjen që merr.
Disa këshilla praktike
– Mbani një qëndrim pozitiv: mosha sjell përvojë, dituri dhe njohuri. Ju ende keni shumë vite përpara dhe nuk ia vlen që të vuani në këtë situatë të vështirë.
– Gëzojuni jetës suaj: Gjithmonë mbani mend se momenti më i mirë për të jetuar është “këtu dhe tani”.
– Reflekto: gjysma e jetës suaj është një kohë e mirë për të menduar për atë që keni bërë dhe çfarë ju mund të bëni.
ma.me
