Mbërritja e flukseve të emigrantëve që vijnë nga Lindja e Mesme në territorin shqiptar është një çështje që po “trazon” opinionin publik në Shqipëri.
Në lidhje me këtë çështje ka folur edhe minsitri i Jashtëm Ditmir Bushati, gjatë një interviste për Zërin e Amerikës.
Bushati ka zgjedhur të flasë me një gjuhë diplomatike, duke lënë të nënkuptohet se Shqipëria do të japë kontributin e saj, por brenda mundësive.
Bushati tha se vendi ynë do t’i qëndroj besnik Bashkimit Evropian, duke shtuar se Shqipëria as nuk do të hapë dhe as do të mbyllë kufijtë.
Nga ana tjetër ai tha se ngritja e mureve nuk i jep zgjidhje problemit, por nevojitet bashkëpunim mes shteteve.
“Ngritja e mureve nuk është zgjidhje e problemit për emigrantët, pasi është reaksion zinxhir te fqinjët. Shqipëria nuk do hapë e nuk do mbyllë kufijtë. Shqipëria do i qëndrojë besnike BE”, tha Bushati.
