Kristin Cabot ka thyer heshtjen pas skandalit me shefin e Astronomer, Andy Byron, në koncertin e Coldplay.
Ish-punonjësja e burimeve njerëzore tha për Times se ishte “vendim i gabuar” prej të cilit kishte pirë ca gota dhe “kërceu e u soll në mënyrë të papërshtatshme me shefin.”
Me kapjen ‘mat’ të çiftit, Astronomer njoftoi se kishte nisur një hetim për ngjarjen dhe dyshen. Ata ishin të dy ligjërisht të martuar dhe më pas u larguan nga kompania. Byron dha dorëheqjen që të nesërmen, kurse Cabot pa kaluar as një javë. Megjithatë, ajo tha se iu kërkua që ta mbante punën pavarësisht skandalit.
“Ky është çmimi që zgjodha të paguaja. Nëse nuk do të ishte bërë aq i famshëm online, mund të thosha ishte një vendim i keq dhe pendohem. Më vjen shumë keq për pozitën që ju kam vendosur, por e dua këtë vend dhe mund të qëndroja në punën time.”
Cabot ishte e martuar me CEO-n e Privateer Rum, Andrew Cabot, por ajo tha se ishte e ndarë prej tij në kohën kur ndodhi skandali dhe ishte afruar me Byron që ndodhej në të njëjtën situatë. Në mes të gushtit, ajo paraqiti kërkesën për divorc.
Nga ana tjetër, Byron dhe bashkëshortja e tij, Megan Kerrigan, duket se e kanë lënë pas skandalin dhe kanë vijuar jetën bashkë.
Nuk mungoi as një reagim për Gwyneth Paltrow nga Cabot, të cilën e quajti “hipokrite.”
“Isha admiruese e kompanisë së saj, Goop, që dukej se kishte synim të fuqizonte gratë. Pastaj ajo bëri këtë. Mendova si guxon ajo pas gjithë kritikave që mori për termin ‘ndarja e vetëdijshme’. Çfarë hipokriteje.”
“Ndarja e vetëdijshme” (conscious uncoupling) ishte një term që Paltrow e përdori duke thënë se ajo po “i lehtëson divorcet” përmes përvojës së saj.
Në shenjë hakmarrjeje, Cabot i hodhi të gjitha produktet e kompanisë së saj.
Paltrow ka qenë e martuar me vokalistin e Coldplay, Chris Martin, nga viti 2003 deri në 2014. Më pas, Astronomer i ofroi një reklamë ku ajo të tallej me Byron e Cabot. Aktorja nuk e përmendi drejtpërdrejt videon, por tha: “Jemi shumë entuziastë që po shohim kaq shumë njerëz që interesohen papritur në automatizimin e analizave të të dhënave.”
Gjatë korrikut, 53-vjeçarja shërbeu si “zëdhënësja e përkohshme” e kompanisë
