Këtë mëngjes po mbahet mesha e besimtarëve ortodoksë në katedralen “Ngjallja e Krishtit” me rastin e festës së Krishtlindjeve.
Ndryshe nga vitet e tjera, këtë herë ka një numër të vogël besimtarësh të cilët po ndjekin meshën brenda ambienteve të katedrales, kjo për shkak dhe të masave anti-COVID.
Meshën e mban kryepeshkopi Anastas Janullatos, i cili sapo është kthyer nga Greqia pasi fitoi betejën me koronavirusin. Nga pamjet, shihet se ai ka vendosur maskën për t’u mbrojtur.
Me kandil në dorë dhe me maskë para besimtarëve, Janullatos ka recituar edhe për këtë vit lutjet e librit të shenjtë, ndërsa është kujdesur që të ruhen rregullat e pandemisë. Besimtarët janë të ulur larg njëri-tjetrit dhe të heshtur luten para altarit.
g.kosovari
