Partia Socialiste dhe Lëvizja Socialiste për Integrim janë krisur, të paktën sa i përket qarkut të Lezhës. Shkak për këtë është bërë rezultati i zgjedhjeve vendore të 21 Qershorit, ku kandidati i LSI Viktor Tushaj nuk arriti të fitonte.
Kjo ka bërë që të dyja partitë, pavarësisht heshtjes së liderëve të tyre, të mos i kursejnë rezervat për njëra-tjetrën sa i përket bashkëpunimit elektoral të 21 qershorit.
I pyetur nga Shqiptarja.com, deputeti i Partisë Socialiste për Qarkun e Lezhës, Arben Ndoka, tha se një ndër faktorët e humbjes, është keqpërdorimi i posteve publike nga drejtorët e LSI-së, duke mos përfillur anëtarët e PS-së në këtë rreth.
Sipas deputetit Ndoka, ky mos-respektim i bazës socialiste, solli votë kundër për kandidatin e LSI-së, Viktor Tushaj.
