Të paktën një person humbi jetën dhe 11 të tjerë u plagosën, pas një sulmi kamikaz në Indonezi.
Mediat e huaja raportojnë se një 34-vjeçar, i identifikuar si Agus Sujanto, hyri në një stacion policie me një motoçikletë, teksa në trup kishte lidhur një sasi eksplozivi dhe më pas hodhi veten në erë. Pamjet e zymta të incidentit treguan pjesë të trupit të shpërndara nëpër hollin e ndërtesës, teksa njerëzit të tmerruar nxitonin të largoheshin nga stacioni policor.
Sipas autoriteteve vendase, 34-vjeçari kishte pak kohë që ishte liruar nga burgu, teksa sulmin e kreu për shkak të ashpërsimit të ligjit, që i cilëson marrëdhëniet seksuale para martesës të paligjshme. Ky ligj parashikonte po ashtu dënime më të rënda për sulmet seksuale dhe ngacmimet.
I riu thuhet se ishte me prirje ekstremiste islame dhe e cilësonte këtë ligj të pafe./m.j
