“Partia Demokratike garanton qytetarët se që ditën e parë në pushtet do të nisë shtypjen dhe çmontimin e krimit të organizuar, ne do të realizojmë shkëputjen e politikës nga krimi dhe do të çojme prapa hekurave të burgut këdo që cënon sigurinë e qytetarëve shqiptarë”
Kështu e përshkruan PD situatën në Shkodër, pas vrasjeve të ndodhura të ditëve të fundit.
Por sentenca e kësaj deklarate bie poshtë nga shifrat e bëra publike ne Policia e Shtetit.
Pas zgjedhjeve të vitit 2009 në të cilat Lulzim Basha u zgjodh deputet i Elbasanit, ai u emërua si Ministër i Brendshëm në qeverinë e re Berisha.
Puna e Bashës në krye të punëve të brendshme rezultoi me humbje të madhe të besimit të qytetarëve te Policia e Shtetit, ndërsa lufta ndaj krimit e bandave ishte ne nivele të ulëta.
Në grafikun e bërë publik vihet re se në vitet 2008-2010-2012, kohë kur kreu i opozitës drejtonte Ministrinë e Brendshme, shifrat e vrasjeve ishin në nivele alarmante dhe strukturat e shtetit ishin krejtësisht inkompetente për të garantuar jetën e qytetarëve.
Konkretisht: Qarku Shkodër, të cilin Basha e ka bërë pjesë të propagandës së tij, ka përjetuar gjatë qeverisjes së demokratëve vitet më të përgjakura në historinë e saj.
Në vitet 2008, 2010 e 2012, Shkodra regjistroi numrin më të madh të vrasjeve të ndodhura.
GRAFIKU 1
GRAFIKU 2
Në qarkun e Shkodrës, për periudhën 2014-2018 janë regjistruar 41 vrasje me dashje ose26 vrasje më pak se në 2009-2013.
