29-vjeçari Ibrahim Lici, autori i dyshuar i ekzekutimit të Endri Mustafës majin e vitit të kaluar, është lokalizuar në Turqi.
Mësohet se Lici po fshihet në shtetin turk, ndërsa autoritetet e dy vendeve po bashkëpunojnë për kapjen e tij.
Ngjarja e rëndë ndodhi më 15 maj 2021 në Shkodër, ku përveç 29-vjeçarit Lici, i përfshirë në krim ishte dhe 15-vjeçari Ergys Malja.
Në dëshminë e dhënë në polici adoleshenti ka zbardhur detaje rreth mbrëmjes së vrasjes së Endri Mustafës, ku tregoi se viktima iu lut Ibrahim Licit që të mos e vriste, por ky i fundit e qëlloi duke i thënë “qofsh i xhenetit”.
“Ergysi i ka dërguar në Instagram një foto kali, si kod që Endri të dilte jashtë për tu nisur në Livadhe.
Pasi janë takuar pas banesës së Endrit, janë nisur në këmbë drejt livadhit, duke kaluar rrugën e Bypassi-it dhe pasi kanë shkuar diku afër livadhit të Endri Mustafës, janë kthyer djathtas për të dalë në një vend tjetër të quajtur ‘Gropat e eskavatorit’, ku Ergysi i kishte thënë se ka “hashashin”.
Aty i ka dalë para Ibrahim Lici me armë në dorë, duke qëlluar direkt mbi Endri Mustafën, i cili është shtrirë në tokë duke i thënë “aman mos më vrit pash Zotin, se kam fëmijë”.
Ai e ka qëlluar përsëri, madje edhe në fytyrë, duke i thënë “qofsh i xhenetit”.
Pas kësaj Ibrahim Lici është larguar me motor, ndërsa Ergysi ka ikur me vrap për në shtëpi, andej nga ka ardhur.
Aty i ka treguar babait të tij se ka qenë në lagje dhe telefonin e kishte lënë aty në karikim.
Më pas ka fjetur gjumë dhe një ditë më pas ka luajtur me playstation fillimisht, me një kushëri të tij“, thuhet në dëshminë e tij. Endri Mustafa u gjet tre ditë pas zhdukjes i ekzekutuar në zonën e Livades në lagjen Guerrile.
/e.d
