Të moshuarit që shikoni në fotografi, ishin konfliktuar me djalin pak para krimit, çka duket se është pasuar me aktin fatal.
Mësohet se në momentin e ngjarjes i riu ishte në gjendje të dehur, çka duket se ka ndikuar në krimin e rëndë duke shkrepur armët mbi prindërit.
Pas kësaj ai kishte dalë në rrugë me armën në dorë, ku fqinjët e terrorizuar lajmëruan policinë, për të zbuluar më tej krimin e dyfishtë.
Leo Nika prej pak kohësh ishte kthyer nga Italia ku qëndronte si emigrant. Ai e kishte çuar gruan dhe fëmijët te vjehrrit, në mënyrë që të qëndronin disa ditë tek ta.
Por se çfarë ndodhi mes tij dhe prindërve të ndjerë mbetet mister, pasi çiftin Nika e morën të vërtetën me vete, ndërkohë që djali i tyre është në gjendje të rëndë psikologjike.
Mësohet se ai kurohej prej kohësh për depresion, pasi kishte shfaqur çrregullime mendore.
Bazuar në deklarimet e fqinjëve të familjes me origjinë nga Dibra, i riu nuk fliste me askënd në lagje dhe ishte natyrë e zymtë.
