Në luftën e fundit në Kosovë, pos masakrave e vrasjeve të shumta, janë përdhunuar rreth 20 mijë femra. Por nga ky krim nuk u kursyen as meshkujt, të cilët janë viktimë e dhunës seksuale, raporton KTV.
Këtë e ka konfirmuar për KTV-në kryetari i Shoqatës për Hetimin e Krimeve të Luftës, Ahmet Grajçevci. Mirëpo, sipas tij, ende nuk kanë ndonjë numër të saktë se sa meshkuj janë përdhunuar nga paramilitarët serbë. Ai thotë se shumë prej tyre kanë bërë vetëvrasje, pas atyre që kanë përjetuar gjatë viteve të luftës. Grajçevci thotë se shteti i Kosovës nuk ka bërë asgjë në dënimin e atyre që i bënë këto krime, transmeton Koha.net.
Qeveria e Kosovës, në bisedimet në Bruksel për normalizimin e marrëdhënieve me Serbinë, nuk e ka përfshirë këtë çështje, sa të ndjeshme aq edhe të dhimbshme, për të vënë para drejtësisë autorët e kësaj vepre.