Drejtori i Pergjithshem i Policise se Shtetit, Muhamet Rrumbullaku se bashku me drejtues te Departamentit te Krimeve ne Drejtorine e Pergjithshme, ka zhvilluar sot nje vizite blic ne Shkoder.
Ai eshte takuar me drejtues te larte te Policise se Shkodres, ku ka kerkuar zbardhjen e ngjarjeve qe kane troditur Shkodren.
Qellimi kryesore i ketij takimi ka qene zbardhja e vrasjes se 19 vjecarit Erjon Xhenje.
Drejtori Rrumbullaku ka kerkuar administrimin e te gjithe provave qe disponon policia nderkohe qe sektori i kriminalistikes prane Drejtorise se pergjithshme eshte vene ne dipozicion te grupit hetimore per zbardhjen e kesaj ngjarje te rende qe ka tronditur Shkodren.
Burimet bejne me dije se takimi ka zgjatur rreth nje ore ne ambjentet e Drejtorise se Policise ne Shkoder.Si ndodhi vrasja e Erjon Xhenjës
Ngjarja ndodhi mbrëmjen e së dielës, rreth orës 20:10, pranë kryqëzimit të Kirasit, në zonën e njohur si ‘Rruga e Gjerë’. Erjon Xhenja ishte duke pirë kafe, ndërsa u qellua nga autoret që po lëviznin me motoçikletë qëlluan me breshëri plumbash duke e lënë të vdekur në vend.
Atentati mendohet se është kryer nga dy persona që ishin të maskuar dhe lëviznin me motoçikletë. Njëri ka qëlluar nga distancë e afërt me 8 plumba pistolete. 5 plumba prekën trupin e të riut.
Rreth 500 metra larg vendit të ngjarjes, në lagjen ‘Guerile’ është gjetur duke u djegur motoçikleta së bashku pistoletën që dyshohet se i përket autorëve. Hetuesit shpresojnë që autorët të kenë lënë gjurmë tek arma e përdorur në krim. Në lokalin ku ndodhi ngjarja janë sekuestruar 5 kamera sigurie./m.j
