Një ngjarje tronditëse ka ndodhur në Quarto, pranë Napolit, ku dy vëllezër, të moshës 34 dhe 42 vjeç, janë ndaluar nga karabinierët, të akuzuar për vrasjen e babait të tyre, Antonio Di Gennaro, 72 vjeç.
Alarmi u dha mbrëmjen e djeshme nga partnerja e 72-vjeçarit, e cila raportoi zhdukjen e tij në stacionin e policisë. Menjëherë, karabinierët nisën hetimet dhe, gjatë një kontrolli në shtëpinë e dy vëllezërve të arrestuar, gjetën trupin e viktimës të fshehur në një arkë në tarracë. Shtëpia ndodhet në zonën qendrore të Quartos, një qytet i populluar në periferi të Napolit.
Hetimi, i koordinuar nga zyra e prokurorit të Napolit, u krye nga Karabinierët e degës Quarto dhe ata të Kompanisë Pozzuoli. Pavarësisht se dy vëllezërit nuk kanë të kaluar kriminale, ndaj tyre janë mbledhur “prova të forta” që i akuzojnë për vrasjen e babait të tyre.
Antonio Di Gennaro ishte zhdukur që prej datës 3 qershor, sipas dëshmisë së partneres së tij. Ky krim makabër ka shkaktuar tronditje në komunitetin lokal.
