Një vajzë shqiptare në Itali ka vrarë foshnjën e saj të lindur para kohe dhe e ka varrosur në një park pranë shtëpisë.
Autorja e krimit makabër është një 17-vjeçare, e cila ka dashur të abortonte në banjën e shtëpisë, ku edhe ka lindur fëmijën, në muajin e gjashtë ose të shtatë të shtatzanisë. Pasi ka parë që fëmija ishte i gjallë, e ka vrarë me thikë dhe e ka varrosur në park.
Sipas gazetës “Oggi Treviso”, që i referohet policisë vendase, krimi ka ndodhur në Citadella, më 18 nëntor.
Ajo shkoi në spital për t’u kuruar nga hemoragjia, çka solli më pas edhe zbulimin e fëmijës së varrosur.
Identiteti i saj nuk është bërë i njohur për publikun, megjithatë nga policia tashmë është zbardhur gjithçka dhe asaj i duhet të përgjigjet për krimin e kryer.
Në arrest është edhe i dashuri i vajzës, babai i fëmijës, person në moshë madhore, i cili dyshohet se e ka nxitur të kryente abortin.
