Një krim i rëndë në familje ka tronditur Dibrën, ku vëllai ka vrarë më thikë vëllanë. Ngjarja e rëndë raportohet se ka ndodhur pas mesnatës në Maqellare, ku 26-vjeçari me iniciale F.T në rrethana ende të paqarta ka qëlluar me thikë për vdekje vëllain e tij 23 vjeç.
“Rreth orës 00.30, në fshatin Allabegi, Maqellarë, shtetasi F. T., 26 vjeç, në rrethana ende të pa qarta dyshohet se ka goditur me mjet prerës vëllain e tij shtetasin, B. T., 23 vjeç, i cili si pasojë e plagëve ka humbur jetën në spital”, thotë policia.
Menjëherë shërbimet e policisë kanë shkuar në vendin e ngjarjes dhe vijon krehja e zonës me qëllim lokalizimin e vendodhjes dhe kapjen e autorit të dyshuar të ngjarjes.
Grupi hetimor vijon hetimet për zbardhjen e shkaqeve të plota të ngjarjes.
g.kosovari
