Një ngjarje e rëndë është shënuar në Tiranë ndërsa informacionet e para flasin për një krim brenda familjes.
Mësohet se djali ka goditur për vdekje me çekiç në kokë të atin dhe më pas e ka hedhur trupin në liqenin e Farkës.
Ndërkohë, polumbarët kanë arritur ta nxjerrin trupin e viktimës F.A, 74-vjeç. Autori i ngjarjes së rëndë është shoqëruar në Polici pas denoncimit nga i vëllai.
Ai është Selman Aliaj, 28 vjeç me banim në Shkozë. Mbi të rëndon akuza e “vrasjes për shkak të rrethanave familjare”, ndërsa pritet që grupi hetimor të zbardhë konfliktin e ndodhur në familjen Aliaj që përfundoi me një krim të rëndë. /JavaNews/b.d
Njoftimi i policisë:
Arrestohet një shtetas për veprën penale “Vrasje për shkak te rrethanave familjare”. Shërbimet e Seksionit për Hetimin e Krimeve ndaj Jetës, në Drejtorinë Vendore të Policisë Tiranë, arrestuan në flagrancë shtetasin :
Selman Alija, 28 vjeç, banues në Shkozë.
Arrestimi i tij u bë për arsye se, me date 22.12.2017, rreth orës 20:00, në Shkozë, Tiranë, brenda ambienteve te oborrit rrethues të baneses së tyre, pas një konflikti për motive të dobëta, dyshohet se shtetasi Selman Alija, ka goditur me sende te forta (një çekiç) disa herë në pjesën e kokës, babain e tij shtetasin F. A., 74 vjeç, banues në Shkozë Tiranë, i cili, si pasojë e këtyre goditjeve ka gjetur dhe vdekjen e menjehershme.
Nga veprimet hetimore të kryera për këtë rast ka rezultuar se shtetasi Selman Alija pasi ka kryer veprimet e sipercituara, ka ngarkuar trupin e pajetë të babait të tij F. A., në automjetin Volksvagen, dhe e ka hedhur trupin e viktimës në liqenin e Farkës. Nga ana e shërbimeve të Policisë, është bërë e mundur gjetja e kufomës dhe transportimi pranë ambienteve të Insitutit të Mjeksisë Ligjore , për kryerje të veprimeve të mëtejshme.
Po kështu, është mundësuar gjetja dhe sekuestrimi i mjetit tip “cekiç”, me të cilin dyshohet se është kryer kjo veper penale. Materialet hetimore në ngarkim të shtetasit Selman Alija, i`u referuan Prokurorise për Krimet e Rënda Tiranë, për vepren penale “Vrasje për shkak te rrethanave familjare”parashikuar nga neni 79/C Kodit Penal.
