Kryetari i Partisë Demokratike, Lulzim Basha po zhvillon një takim me raportuesin e Parlamentit Europian, Knut Fleckentein ne hotel Sheraton. Takimi i tyre është i dyti brenda dy ditëve pas atij të mbajtur mbrëmjen e të martës ku për pak minuta ishte e pranishme edhe ambasadorja e BE-së në vendin tonë, Romana Vlahutin. NJë ditë më parë Knut Fleckentein i bëri thirrje PD-së që të ndërpresë bojkotin parlamentar.
“Ne do të gjykojmë në vijimësi. E takoj në mënyrë të veçantë zotin Basha, sepse janë krijuar disa pengesa në këtë drejtim mesa duket. Ne mendojmë se zbatimi praktik i Reformës në Drejtësi është një nga gjërat më të rëndësishme, e kur shohim pengesa të tilla, duhet të shohim për të gjetur zgjidhje konkrete. Kjo duhet të ndodhë deri në fund të javës së ardhshme, kohë kur do të instalohen komisionet parlamentare për “vettingun” dhe çdo deputet duhet të shkojë të jetë aktiv në punimet e Parlamentit dhe të bëjë punën e tij”, deklaroi nje dite me pare Knut Fleckentein.
ma.me
