JeanClaude Juncker, presidenti i Komisionit Evropian, ka lëshuar një paralajmërim ndaj vendeve që janë inkurajuar nga Britania dhe duan të kopjojnë Brexit, duke argumentuar se një shkatërrim i BEsë mund të shkaktojë luftë në Ballkanin perëndimor. Në një intervistë me Financial Times, zoti Juncker tha se entuziazmi i presidentit të SHBAsë për largimin e Britanisë nga BEja ishte “i bezdisshëm” dhe “e habitshme”.
Sipas tij kjo tregon se manjati i pasurive të patundshme nuk ka qenë në dijeni të historisë së komplikuar të Evropës.
Veterani 62vjeçar i politikës europiane, i ka dhënë paralajmërimin zëvendëspresidentit amerikan Mike Pence, kur ai vizitoi Brukselin muajin e kaluar.
“I thashë zëvendëspresidentit, “Mos e thuaj atë, mos i ftoni të tjerët të largohen, sepse në qoftë se Bashkimi Europian bie, ju do të keni një luftë të re në Ballkanin perëndimor “, zbuloi Juncker. Z. Juncker tha se ishte e rëndësishme t’i ofrohej vendeve të rajonit një perspektivë e anëtarësimit në BE:
“Nëse i braktisim ato vende, Bosnjë Hercegovinë, Serbine, Maqedoninë, Shqipërinë, të gjitha ato vende – ne do të kemi luftë përsëri”, tha Juncker se i ka deklaruar Pence.
Juncker foli për tensionet në marrëdhëniet transatlantike dhe ndikimin negativ të Brexit. Ai e përshkroi atë si një “tragjedi” me pasoja.
