Presidenti i së majtës në Parlamentin Europian Gianni Pittela do të mbërrijë sot në kryeqytet ku do të takojë zyrtarë të lartë në lidhje me ecurinë e reformave dhe 5 pikave kyçe që i janë vendosur Shqipërisë nga Komisioni Europian.
Kjo vizitë e ndarë në dy pjesë e cila nis në Shqipëri lidhet me ecurinë e reformave të cilat do të çojnë vendin drejt hapjes së negociatave për ne Bashkimin Evropian me kushtin që këto vende të jenë në përputhje me kriteret e parashikuara për anëtarësimin në Union.
Në një intervistë dhënë për të përditshmen “La Gazzeta del mezzogiorno”, Gianni Pittella është shprehur se “ndjehet mjaft i nderuar dhe i kënaqur që në Tiranë do të vlerësohet “Qytetar Nderi” duke marrë çelësat e këtij qyteti për impenjimin e tij politik në favor të Shqipërisë.”
Më pas Pittela do të vijojë turin e tij të takimeve në Ballkan, ku më tutje do të mbërrijë në Serbi dhe Maqedoni.