Sekretari i Përgjithshëm i Kombeve të Bashkuara, Antonio Guterres, ka bërë thirrje kundër “ndërkombëtarizimit të mëtejshëm” të konfliktit Iran-Izrael.
“Çdo ndërhyrje ushtarake shtesë mund të ketë pasoja të mëdha, jo vetëm për ata që janë të përfshirë, por për të gjithë rajonin dhe për paqen e sigurinë ndërkombëtare në përgjithësi”, tha ai në një deklaratë sot.
Komentet e tij vijnë në një kohë kur Presidenti i SHBA-së, Donald Trump, thuhet se po përgatitet të përdorë asetet ushtarake amerikane për të goditur objektet bërthamore iraniane.
“Mund ta bëj, mund të mos e bëj”, tha Trump sot në lidhje me mundësinë e veprimeve të SHBA-së kundër Iranit.
Kujtojmë se edhe brenda Kongresit Amerikan janë të ndarë lidhur me çështjen nëse SHBA duhet të ndërhyjë ose jo në konfliktin Izrael-Iran.
OKB eshte nji organizate e dobet dhe nuk e flasin te verteten vetem jane te forte ndaj vendeve te varfera dhe asgje tjeter dhe roga te larta ,pse ekziston kjo OKB kur nuk funkcionon .