Në Shqipëri prej kohësh po diskutohet çështja e dekriminalizimit apo personave që nuk kanë mbaruar shkollën por gjenden në poste drejtuese deri edhe në Parlament. Por në fqinjin tonë Italinë, një kryebashkiak ka pranuar publikisht se nuk ka mbaruar shkollën.
Kryetari i Bashkisë Trevilio, qytezë në Bergamo, Beppe Pezzoni, ka publikuar një status në Facebook, ku pranon publikisht se diploma e tij mbeti vetëm një ëndërr në kompjuter e cila nuk u realizua kurrë, pavarësisht se ndër vite pretendoi të kundërtën.
“Unë, Beppe Pezzoni, kam një sekret në sirtar. Në vitin 2001, pas një vit jashtë për shkak të punës së shumtë, kam thënë një gënjeshtër: unë iu thashë se kam mbaruar shkollën, por kjo nuk ndodhi. Teza mbeti në kompjuter, ashtu si dhe titulli i mjekut “.. shkroi kryebashkiaku në Facebook.
Kryebashkiaku i Trevilio, i mbështetur nga partitë Lega Nord dhe Forca Italia, është njëkohësisht edhe Drejtori i Qendrës Saleziane “Don Bosko” nga viti 2009, ku ai jep mësim të gjuhëve italiane, latine dhe greke që nga viti 1993
Kushedi sa duhet pritur në Shqipëri që këta persona të largohen dhe jo më ta pranojnë publikisht këtë fakt, në vendin tonë.
