Shefi i filialit sirian të rrjetit ekstremist sunit Al Kaeda, fronti Al Nosra, ka ofruar tre milionë euro për vrasjen e presidentit sirian Bachar al Assad dhe dy milionë për vrasjen e shefit të hezbollahut shiit libanez.
Abou Mohamed al Joulani deklaroi në një regjistrim audio të publikuar dje në mbrëmje se “do të paguajë tre milionë euro për këdo që vret Bashar al Assadin dhe t’i japë fund historisë së tij”.
Shefi i xhihadistëve theksoi se “do të japë këtë shpërblim edhe nëse Assadi vritet nga një anëtar i familjes së tij, dhe garantoi se Al Nosra do të mbrojë vrasësin dhe familjen e tij”.
Abou Mohamed al-Joulani premtoi gjithashtu dy milionë euro për këdo që vret Hassan Nasrallah (shefi i Hezbollahut), “qoftë edhe një anëtar i famlijes apo sektit të tij”.
Hezbollahu ka dërguar disa mijëra luftëtarë në Siri për të mbështetur regjimin e Bashar al Assad në shumë fronte të luftës që deri tani ka shkaktuar vdekjen e 240 mijë personave që prej marsit 2011.
