Qeveria parasheh rritjen e fondit për kompensimin e ish-pronarëve. Ky fond do të arrijë në pesë miliard në vitin e tretë dhe do të jetë i mjaftueshëm për 26 mijë dosje. Kreu i AKKP Sonila Qato, duke folur për Gazeta Shqiptare, shprehet se “është parashikuar që procesi i shqyrtimit të dosjeve që janë pa vendim pranë Agjencisë do të përfundojë brenda një afati minimum prej 3 vitesh nga hyrja në fuqi e ligjit, ndërsa procesi i kompensimit është llogaritur të përfundojë brenda një periudhe prej 10 vitesh”
Ajo ka thënë se projektligji që po merr formë aktualisht, parasheh një formulë realiste dhe fut procedura konkrete për realizimin e kompensimit, duke i dhënë zgjidhje një herë e mirë çeshtjes së kompensimit të pronave. Ky kompensim do të kryhet kryesisht jo në para cash, por në mënyra të tjera, sipas Qatos.
