Zona e nxehtë sizmike në Ballkan nuk po gjen qetësi.
Një tërmet me magnitudë 4.8 i shkallës Rihter ka rënë ditën e sotme rreth Kretës në Greqi, duke shkaktuar edhe lëkundje të forta.
Tërmeti është regjistruar pasditen e sotme por nuk raportohen dëme në njerëz apo materiale.
Lëkundje të lehta janë ndjerë edhe në Bosnje Hercegovinë rreth një orë më pas.
Ky tërmet ka qenë i shkallës 3.3, dhe është ndjerë lehtë afër epiqendrës.
Gjatë 5 orëve të fundit në Greqi janë ndjerë rreth 10 lëkundje të lehta.
Pak orë pas tërmetit tragjik që tronditi vendin tonë, më 26 nëntor 2019, u regjistruan tërmete pikërisht në këto dy zona, Kretë dhe Bosnje.
Ekspertët i lidhën ato me të njëjtën zonë sizmike. Por fakti që lëkundjet vazhdojnë, edhe në vendet fqinje, por pa pasojë, shihet edhe si pozitiv, pasi kështu shkarkohet edhe energjia e akumuluar.
