• Kontakt
  • Kreu
  • Rreth Nesh
Tuesday, November 10, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

“Kreta”, dhe nevoja që PD të zyrtarizojë qëndrimin për kufirin detar!

by Mero Baze
13/11/2017 08:15
Shperndaj ne FacebookShperndaj ne Twitter

Nga Mero Baze

Shqipëria dhe Greqia kanë futur në rrugën e zgjidhjes disa nga problemet e mbartura në historinë e marrëdhënieve dypalëshe dhe ja kanë besuar një procesi dinamik, zgjidhjen e kontestimit për kufirin detar dhe lëvizjes së lirë të qytetarëve me origjinë çame në Greqi.

Bushati dhe Kotzias, kanë mundur të prodhojnë një takim substancial për çështjet mes dy vendeve dhe do të vazhdojnë përmes propozimeve konkrete në muajin Dhjetor.

Pala shqiptare ka paraqitur një paketë të plotë që nga Ligji i Luftës deri tek kufiri detar, duke pasur opsionale dhe zgjidhjen e kontestit për kufirin tokësor, ku përfshihen dy marrëveshje, ajo për kufirin tokësor ekzistues dhe çështja e piramidave në kohën e incidenteve greko-shqiptare.

Pala greke pritet të bëjë kundërpropozimet e saj në muajin Dhjetor dhe kështu të ecet përpara.

Gjëja më e rëndësishme është që palët janë angazhuar seriozisht në zgjidhjen e problemeve dhe po krijojnë një klimë besimi mes tyre.

I vetmi problem politik në këtë histori është qëndrimi i palës shqiptare për çështjen e kufirit detar. Ndërsa Greqia ka një qëndrim dhe bazohet deomos mbi Marrëveshjen e arritur me Berishën, Shqipëria ka një qëndrim zyrtar të përfaqësuar nga Ministri i Jashtëm Bushati dhe një qëndrim opozitar të përfaqësuar nga Berisha e Basha, dyshe që këmbëngul se Marrëveshja është në rregull.

Pra në këtë histori Greqia është superiore, pasi ka të unifikuar qëndrimin e saj dhe bën diversion me faktin që në Shqipëri ka dy qëndrime për këtë çështje.

Në këto kushte do të ishte e udhës që partitë politike në Shqipëri të nënshkruanin një “Memorandum” në Parlament, ku të shprehnin qëndrimin e tyre rreth kësaj çështjeje dhe t’i jepnin mbështetje qëndrimit zyrtar të qeverisë shqiptare me qëllim që të tejkalohej diversioni që pala greke mund të bëjë me qëndrimin e Berishës.

Një nisëm parlamentare për një “Memorandum” mund t’u kërkojë të gjitha palëve, nëse mbështesin ose jo qëndrimin zyrtar të qeverisë shqiptare për kufirin detar. Natyrisht që qeveria ka shumicën dhe nuk ka nevojë për vota në këtë rast, por kjo mbështetje vlen si mbështetje morale dhe për të shmangur diversionin politik.

Nëse Partia Demokratike vazhdon t’i qëndrojë besnike qëndrimit Basha-Berisha–Bakojani, për kufirin detar, ata mund ta shprehin në “Memorandum”. Ky përfundim nuk është detyrues për qeverinë, por është natyrisht një problem politik, i cili duhet të verifikohet që të mos ketë, as sot, as në të ardhmen, spekulime rreth kësaj çështjeje.

Sido që të përfundojë rregullimi i kufirit detar apo bashkë me të dhe rregullimi i kufirit tokësor me Greqinë, historia duhet të fiksojë se cili ka qenë qëndrimi i palëve në këtë konflikt .

Greqia pavarësisht problemeve të forta që ka brenda vendit, është shumë e unifikuar në qëndrimet për politikën e jashtme. E vetmja diferencë janë marrëzitë e “Agimit të Artë”, të cilat qeveria i neutralizion, dhe ato i përdorin më shumë politikanë të dështuar në Shqipëri, se sa në Greqi.

Skanimi i qëndirmeve të politikës shqiptare në këtë rast është i domosdoshëm mes të tjerash për ta lehtësuar diplomacinë shqiptare nga presioni i akuzave populiste nga një anë dhe nga qëndrime të barazvlefshme me kundërshtarin nga ana tjetër. Është dhe një provë nëse PD është gati të zgjedhë mes Shqipërisë dhe Berishës.

Next Post
Doni të punoni në Kuvend? Ja vendi vakant dhe kriteret e kërkuara

Doni të punoni në Kuvend? Ja vendi vakant dhe kriteret e kërkuara

Leave a Reply Cancel reply

Your email address will not be published. Required fields are marked *

TË FUNDIT

Duka kandidat për kryeministër? Kreu i PAA: Ja emrat që shikoj si alternativë qeverisëse

Agron Duka: Jam kundër primareve, opozita të bashkohet për një kandidat në Durrës

November 10, 2026
Horoskopi i Brankos për sot, e premte 28 gusht 2026

Horoskopi i Brankos për sot, e martë 10 nëntor 2026, dashuria, puna dhe fati për të gjitha shenjat

November 10, 2026
A janë larguar fotografia e Rugovës dhe Deklarata e Pavarësisë nga zyra? Flet Presidenca

A janë larguar fotografia e Rugovës dhe Deklarata e Pavarësisë nga zyra? Flet Presidenca

November 10, 2026
Moti për sot me kthjellime dhe alternime vranësirash

Moti për sot me kthjellime dhe alternime vranësirash

November 10, 2026
ADN-ja në shishe tradhton shqiptarin në Angli, dënohet për 9 grabitje me mbi 500 mijë paund

ADN-ja në shishe tradhton shqiptarin në Angli, dënohet për 9 grabitje me mbi 500 mijë paund

November 10, 2026
Nga sot 40% më pak autobusë në Tiranë, shkak çmimi i naftës

Transporti publik kërkon TVSH 6%, paralajmëron rritjen e çmimit të biletës nga 1 janari

November 10, 2026
Norvegjia po ndërton tunelin nënujor më të gjatë dhe më të thellë në botë

Norvegjia po ndërton tunelin nënujor më të gjatë dhe më të thellë në botë

November 9, 2026
Mjegulla mbulon Juglindjen, ulen temperaturat. Policia apel drejtuesve të mjeteve për kujdes të shtuar

Mjegulla mbulon Juglindjen, ulen temperaturat. Policia apel drejtuesve të mjeteve për kujdes të shtuar

November 9, 2026
“Prej 30 vitesh s’biem dakord”, Agron Duka: Të këtë një kod të ri zgjedhor, se lamë kokrrën e namit

Duka: Ky është sistemi më i dobët zgjedhor që kemi parë

November 9, 2026
“Dënimet shkojnë deri në burg përjetë”- Avokati Petraj: SPAK të nisë hetimet për protestat, jemi përballë “Nenit 221” të kryengritjes!

Petraj: Si protesta e Flamingove dhe ajo e studentëve nuk funksionojnë pa PD

November 9, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In