Pak ditë pas bujës që bëri intervista e Fotos Nanos në “Opinion”, avokati Kreshnik Spahiu thotë se edhe sikur gjithë të zezat ti kishte Nano, në raport me Berishën e lartëson dorëheqja e tij.
Në një shënim në facebook, Spahiu shprehet se Nano pas humbjes iku përgjithmonë dhe nuk qëndroi duke gjetur një dordolec si “Luli” në PS, që ta komandonte në hije nga Gjiri i Lalzit.
“Për ta mbyllur javën me një konkluzion politik:
Edhe sikur gjithë të zezat ti kishte Nano, në raport me Berishën e lartëson dorëheqja e tij.
Pas humbjes iku përgjithmonë dhe nuk qëndroi duke gjetur një dordolec si “Luli” në PS, që ta komandonte në hije nga Gjiri i Lalzit.
Dorëheqja si institucion e bën diferencën mes një qytetari që ka profesion politikën dhe një provinciali që e ka biznes familjar. Ai iku 15 vjet më parë, tjetri zvarritet ende.”-shkruan Spahiu.
