Kreshnik Spahiu, ish-aleati i Lulzim Bashës deklaroi se kreut të PD-së i është pezulluar përkohësisht hyrja në Shtetet e Bashkuara të Amerikës.
Spahiu deklaroi në Open se ky fakt është 100% i vërtetë. Vasili, drejtuesja e emisionit u mundua ta mjegullojë këtë bombë të Spahiut, por kreu i Aleancës Kuqezi vijoi duke i mëshuar argumentit të vet.
Në fakt deklarata e Spahiut ka një linjë logjike, pasi reporterët që mbulojnë opozitën shkruan dhe hodhën në eter një lajm para disa muajsh se Lulzim Basha ishte ftuar në Departamentin e Shtetit të SHBA.
Por kjo vizitë nuk ndodhi kurrë…!
Ketu ka kembengulur dhe ish aleati i Bashes.
“Ka dy ngjarje që kanë kaluar pa u vënë re, që kanë çuar në një marrëveshje me Ramën.
Ka një pakt të ri. Tre muaj më parë Bashës i është pezulluar hyrja në SHBA.
Lulzim Basha është në presion të brendshëm dhe të jashtëm.
Tre muaj më parë përpara se të udhëtonte i është pezulluar hyrja e përkohëshme në SHBA dhe është detyruar ta anulojë të gjithë axhendën dhe vizitën e tij.
I kam 100% këto informacione të sigurta dhe PD të sqarojë pse Basha pas 4 muajsh nuk ka shkuar në SHBA”, tha Kreshnik Spahiu.
