Ish-kreu i KLD, Kreshnik Spahiu, ka ngritur akuza të forta ndaj organeve të drejtësisë, duke i akuzuar për përdorimin e dy standardeve në trajtimin e çështjeve gjyqësore. Ai ka vënë në dukje se për të njëjtat akuza, gjykata ka vepruar ndryshe në raste të ndryshme, duke favorizuar faniljarë të Berishës. Ai theksoi se masa e arrestit me burg duhet të vendoset vetëm në rastet kur ekziston një rrezikshmëri e lartë shoqërore ose kur personi mund të pengojë hetimin.
“A i është përmbajtur prokuroria dhe gjykata të njëjtit standard? Për të njëjtat akuza, e njëjta gjykatë ja ka lehtësuar masën e gjykimit dhëndrit të Sali Berishës, për korrupsion pasiv, pastrim të parave dhe fshehje të pasurisë. Në tërësinë e vet janë akuza të ngjashme, por janë persona të ndryshëm. Masa shtrënguese e arrestit me burg padyshim që vihet në rastet të rrezikshmërisë të lartë shoqërore të veprës penale, por duhet plotësuar edhe rrezikshmëria e lartë e personit dhe pengimi që mund t’i sjellë fazave të hetimit . A ka penguar Erion Veliaj hetimin? Erion Veliaj ka qenë subjekt i hetimit për 3 çështje të ndryshme, për çështjen e inceneratorëve, për çështjen e 5d dhe atë të hetimit të pasurisë. Pyetja e parë e cila është nëhetim se askush nga ne s’ka qenë në seancat dëgjimore, pyetja është Erion Veliaj ka ushtruar presion vetëm për çështjen e pasurisë, për ato 2 tjerat ka qenë bashkëpunues….”, u shpreh Spahiu.
