Përbërësit:
125 g miell
300 ml qumësht
2 vezë
pak kripë
Për mbushje
kërpudha
grana të grirë (lloj djathi)
1 thelbi hudhër
pak vaj
majzanoz
Përgatitja:
Pastrojmë kërpudhat, i presim me fije dhe i skuqim në një tigan duke i shtuar hudhrën, vaj, pak kripë si dhe pak majdanoz të freskët.
Përgatisim ndërkohë krepat.
Rrahim vezët bashkë me qumështin, kripën dhe me anë të një mikseri dore shtojmë miellin dalëngadalë, në mënyrë që të evitojmë formimin e kokrrave të brumit.
Pasi të jetë bërë një masë e njëtrajtëshme, e lemë të pushojë për 30 minuta në frigorifer.
E heqim nga frigoriferi dhe e përzijmë sërish.
Në një tigan të cekët ngrohim pak gjalp dhe proçedojmë me skuqjen e krepave nga të dyja anët.
Pasi të jenë gati, vendosim në mes masën e kërpudhave të përgatitur më parë duke shtuar lart edhe djathin e grirë.
I mbledhim në formë cilindrike dhe i vendosim në furrë të ngrohur më parë për rreth 5 minuta.
