Nga Tom Therçaj
Në Bajzë të Malësisë së Madhe, në famullinë e Shën Pjetrit dhe Shën Palit u kremtua mesha e Pashkëve.
Qindra besimtarë nga kjo trevë, “Nderi i Kombit”, nga Europa dhe SHBA, morën pjesë në meshën e shenjtë me rastin e kësaj feste madhështore.
Famulltari i Bajzës, Padër Ndue Toplana, gjatë predikimit u bëri thirrjë besimtarëve të ruajnë identitetin e tyre, zakonet dhe traditat e Malësisë së Madhe.
“Të jenë të bashkuar në gëzime dhe nevojë, ta duan dhe ndihmojnë njëri-tjetrin”.
Duke cituar fjalët e Ungjillit të Krishtit të Ringjallur: Paqe, dashuri, harmoni, hire dhe bekime, që janë vlerat e familjes së krishtere.
Bajza është qendra e Malësisë së Madhe dhe identitetit të krishterë me histori të lavdishme.
shmb