Besimtarët e krishterë, ata ortodoksë dhe katolikë, kremtojnë sot Krishtlindjen, një prej datave më të rëndësishme të kalendarit të tyre fetar. Ceremonia e celebrimit të Lindjes së birit të Zotit është për të krishterët një moment i veçantë, që shoqërohet me shumë urime për paqe, harmoni dhe dashuri mes njerëzve.
Për të dytin vit radhazi, mesha është afruar në kohë, për shkak të orës policore që qëndron në fuqi. Imzot George Frendo ka mbajtur meshën e tij të fundit, pasi do të largohet nga detyra, e ndërsa përcolli edhe mesazhe për më shumë dashuri dhe paqe mes njerëzve. Krah tij, qëndronte edhe Arqipeshkvi i ri, Arjan Dodaj.
Besimtarët pohojnë se do të qëndrojnë në kishë deri në mesnatë për t’i gjetur lindja e Krishtit në shtëpinë e tij.
-Çdo vit vijmë këtu deri kur të hapet Krishtlindja, domethënë në orën 12:00
-Pas meshës mblidhemi në familje dhe ky është kuptimi i të mbledhurit jo vetëm një familje e vogël por edhe një familje e madhe.
-Të pëlqejnë Krishtlindjet?
Po. Çfarë do bësh sonte? – nuk e di
Gëzuar, të gjithë bashkë, Zoti na dhëntë paqe e bekim në të gjithë botën
Jemi prej një viti në Tiranë, hera e dytë që vijmë.
-Nga jeni? Gjermani, Kosovë, të përzier.
-Gjermani unë dhe babi.
Mesazhe paqeje dhe bujarie kanë dhënë sot edhe krerët e besimeve fetare dhe po ashtu edhe politikanët. Kryepeshkopi Anastas Janullatos, teksa uron besimtarët shkruan se dhurata më e bukur në këtë ditë është forcimi i besimit në Zot. Një mesazh dha sot nga Shkodra edhe Imzot Angelo Massafra, kryeipeshkvi i Shkodër-Pultit e Presidenti i Konferencës, i cili uri besimtarët.
Presidenti Ilir Meta bën thirrje për solidaritet dhe kujdes ndaj atyre që kanë nevojë për përkrahje. Në këtë datë të veçantë për besimtarët e krishterë, kryeparlamentarja Lindita Nikolla tha se kjo është një ditë kur gëzimi mund hidhërimin dhe shpresa fiton mbi vështirësitë./m.j
