Rusia dhe SHBA-ja po humbin kohë në vend që të normalizojnë marrëdhëniet e tyre, shprehu me keqardhje zëdhënësi i Kremlinit, Dmitri Peskov.
Deklaratat e zëdhënësit dëshmojnë një ndjenjë padurimi në ritje, për afrimin e kërkuar nga presidenti amerikan, Donald Trump para zgjedhjes së tij në muajin nëntor duke mos u kthyer në veprime tre javë pas marrjes së detyrës.
“Ka shumë probleme dhe ne po humbim kohë sepse ne nuk po i zgjidhim”, deklaroi Peskov për shtypin.
“Disa probleme janë të tilla që as SHBA-ja, as Rusia nuk mund t’i zgjidhin vetëm”, konfirmoi ai.
Marrëdhëniet me Uashingtonit dhe Moskës kanë qenë të degraduara gjatë presidencës së Barack Obama pas aneksimit të Krimesë nga Rusia në vitin 2014 duke çuar në atë që duket tashmë si një Luftë e Dytë e Ftohtë” mes Rusisë dhe SHBA-së, një çerek shekulli pas rrëzimit të ish-Bashkimit Sovjetik.
Autoritetet ruse shpresonin te Donald Trump për një heqje të shpejtë të sanksioneve ekonomike dhe një përmirësim të marrëdhënieve.
“Ne shpresojmë që herët apo vonë, procesi i vendosjes së marrëdhënieve normale (…) me Uashingtonin do të fillojë”, nënvizoi Peskov.
Zëdhënësi i Kremlini u shpreh disa orë para takimit të parë mes shefit të diplomacisë ruse, Sergei Lavrov dhe homologut amerikan, Rex Tillerson, parashikuar në Bonn me rastin e G20-ës./b.d
