Moska zyrtare i është përgjigjur deklaratave të Presidentit amerikan Joe Biden që kërkoi përjashtimin e Rusisë nga G20.
Zëdhënësi i Kremlinit, Dmitry Peskov ka deklaruar se asgjë e tmerrshme nuk do të ndodhë nëse Rusia përjashtohet nga G20.
“Formati i G20 është i rëndësishëm, por në rrethanat aktuale kur shumica e vendeve pjesëmarrëse janë në luftë ekonomike me ne, asgjë e tmerrshme nuk do të ndodhë”, tha Peskov për gazetarët.
Sipas tij, përpjekjet për të izoluar Rusinë do të dështojnë, për arsye se sikurse u shpreh vetë Peskov, “bota shtrihet përtej SHBA-së dhe Evropës”.
SHBA, BE, Britania e Madhe, Kanadaja dhe shtete të tjera kanë vendosur një sërë sanksionesh ndaj Rusisë dhe biznesmenëve rusë që dyshohet se kanë lidhje me Presidentin Putin.
/a.r
